حب كان لزينب النووي

أ صْبَاح الخير والرْبْح
لداك الفايق في الفْجْر
داك الدرويش م الصبْح
كايخروج قبل ما يْفطْر
يْجبد لقمتو من فوم
السي السبْع غير بالصبر
رفيق المهنا يقمع
و صاحبْ المهنا يأمر
هدرت الناس توجع
و قليل اللي كا.يشكْر
و صاحبْنا ضايع دايع
كا يْجري رجلو تعكل
و يْتفكر لمن راجع
ويْسامح ويزيد يعدر
و ولادو يتسناوه
يا فوقاش بوهم يحضْر
ويْدخل تاني للدار
و يْنسا آش كان يحْصل
ويْنعس فالليل بعد ما
يْعمر الساعا
ديال الفْجْر
فا صْبَاح الخير والرْبْح
لداك الفايق في الفْجْر
داك الدرويش م الصبْح
كايخروج قبل ما يْفطْر

Female Vocals